Consuela Forsman Professional Blog

 GOOGLE  Edcuator Level 1 E Hika mā!  Wiriwiri katoa ana aku pona ki te whakamātautau i tēnei rā.  Heoi anō, pai tū, pai hinga, i hoea tonutia e ahau tōku waka.  Ahakoa kīhai i eke i te whakamātautau nei, ka mahia anōhia a ngā wiki e tū mai nei.  Nā reira, ka pōkaihia ōku matimati me ōku waewae mō taku tuponotanga tuarua, me kī!  E kore a muri e hokia, heoi anō, ka hoki ahau ki te kōrero a taku kuia, ko te karanga tuatahi mō te tangata, ko te mea tuarua..., nā ka mutu ana kōrero i konei.  E mārama ana ahau ināianei, kua mau hoki taku iro. (Pea)  He taonga nui te whakarite, waimarie he kāinga rua tōku. Kote tikanga ia, ka whakapirihia taku tiwhikete me taku tohu ki te whārangi whakamutunga o tēnei rangitaki, heoi anō.  Ko te āhua nei, me haere tonu kia mutu (Kaua kia oti) rā anō, kia tika rā anō aku mahi, ka whakapirihia aku tohu! Heoi anō, hei akiaki anō i te tangata e whakaaro ana ki te ruku ki ēnei momo wānanga, kia kaua ia e pōhēhē mā...

  Ahakoa kua pau te wā ki ahau ki tēnei wānanga me ōna tini āhuatanga papai rawa atu,  ehara i te mea kua mutu ngā mahi akoako ki konei.  Arā noa atu he mahi hei ako.   Heoi anō, ko tāku i ako ai i te rangi nei, ko te whakamahi i te taupānga Tinkerkad.   Kei te kitea ka rata pai ētehi o aku tama ki tēnei momo mahi.  Kāore e kore ka tere ake rātou i ahau ki te whakamahi i tēnei taupānga i ahau. Kia hoki atu ahau ki ngā kōrero a Dorothy mō te tamaiti ka tīmata i te kura kei te taumata 1 me kī, me ngā tamariki e tīmata i ngā kura kei taumata kē, i kōrero ia mō te nui o ngā kupu me te iti o ngā kupu kua akohia imua tonu i te timatatanga i te kura. Neke atu i te 30 miriona kupu te rerekētanga o ērā rōpū e rua.  Reo Māori mai, reo Pākehā  mai, reo atu mai, koinā tētehi rerekētanga nui i rangona ā-wairua nei e ahau. Nā reira, kia eke ai, kia tīmata tika ai ā tātou tamariki i te kura, he mea nui te whāngai atu i te kupu ki a rātou ahakoa tōna p...

He aha hei tuhi māku i tēnei wiki? E whakahīhī ana ahau ki ahau anō i taku kuhu ki tēnei wānanga, ā, kua akohia ētehi āhuatanga hōu hei whakaako atu ki aku ākonga.  E  māia  ana ahau ki ngā ākonga kua mau kai parāoa nei i ēnei mahi matihiko.  Hei  anga whakmua  kua whakaritea e te hunga kaiako o tō mātou nei kura tētehi mahere rautaki matihiko mā te kura me te whānau, kia puta ngā tahi ai mātou katoa  ki te ao hōu .  E kore pea a muri e hokia, hurō! ĪPAPA, PUKA RANGI, ROROHIKO Tuhia ki te rae: me whai wā te kaiako ki te whakahoutia ngā taupānga o ngā īpapa.  Me muku hoki pea te katoa o ngā taupānga tawhito, ā, me tāpiri noa iho ko ngā taupānga ka whakamahia e ngā ākonga o te kura.  E mahuta mai ana te mutunga tau, nā reira, e tika ana kia tīmata te hunga kaiako ki te whakapaipai i te whare; ka tahitahia te papa, ka horoia ngā matapihi, ka ngotea te whāriki.  Nā reira, me titiro hoki ki ngā taputapu matihiko kei wareware.  

Te whakawhānui, te whakawhāiti rānei i tā tō kura paetuku ki ngā kaupapa matua kia rapu pai ai te tangata i tāna e hiahiatia ana. Ubiquitous - Koia te kupu hōu i akohia i tēnei o ngā wānanga.  Kei te horopaki hoki tōna whakamahi, tōna tikanga me kī, engari, he kupu kāore anō kia taka ki ōku taringa. Kua whakahāngaihia tēnei kupu, tēnei āhuatanga ki te āhua o tā mātou paetukutuku.  Nā, i taku kitenga atu i te paetukutuku o Caleb Murray, ka taka te kapa, ka mārama pai ahau he aha tēnei mea te 'ubiquitous'.  Nā ēnei kupu akiaki, ka tīmata ahau ki te whakamahere i tētehi atu whārangi akomanga hei tāpiri atu ki te pae tukutuku o te kura.  Taihoa ake e kitea ai tōna rerekētanga. He nui tonu ngā āhuatanga hei whakatika i mua tonu i te tūwheratanga o tēnei pae tukutuku ki te whānau.  Ko te whakapoapoa i ngā kaimahi ki te whāngai i te pae tētehi āhuatanga atu anō, heoi anō, ko te mea pai, he oranga kei roto!  He oranga mō te tamaiti, mō te whānau me te iwi. Nā, he...

Ko te Hanga Pae Tukutuku   Ka hāngai tēnei wānanga ki te hanga pae tukutuku.  Inā  hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi.  ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā  i te mahi a te kaiako. Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei.  Ko tāku, he whakaae ki tēnā, engari, arā atu anō ōna painga.  Ko tā tēnei pae tukutuku, he wāhi kua whakakao i ētehi kōrero mō Māui.  Kua tāpiripiri mai ētahi āhuatanga e kīia nei, ko "Multimodal".  He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui. Ēnei kapo mata katoa kei runga, nō te paetukutuku, Māui Nukurau.  Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui.  Ia te wā, ka mate ...

Whainarii! Kua ako, kua ea! Nā aku ākonga ahau i āwhina ki te whakakuhu, ki te whakatāpiri i taku atahanga ki tēnei o ngā rangitaki. E mihi ana ki a koutou katoa tamariki mā. I mea mai rātou, nā Cam rātou i whakaako.  AAAaaaaaa, kātahi ka taka mai te kapa.    E mihi ana!

                                                                                            (He pai tonu ki ahau te unu papamuri!) Tēnā anō tātou e hoa mā I tēnei wiki, i tirohia, i rawekehia, hoki e mātou te taupānga e kīia nei ko Google Sheets.   Kāore pea ahau e kaha whakamahi i tēnei taupānga ki rō akomanga, nā te mea ka kore pea ngā ākonga e kite i te māramatanga o ngā kauwhata.  He tikanga anō tā ngā pou nei, ā, he tikanga hoki tā ia wāhanga o te kauwhata, nā kāore te tukanga o te huri i te raraunga hei kauwhata i whai māramatanga.  Ahakoa tēnēi, kua whakamahia te Excel i ngā rangi o mua ki te taha o te rangatahi, ā, he nui kē atu ngā momo horopaki ki tērā reanga o te rangatahi hei whakaako atu.   Āe kua kitea tētehi horopaki...

Tēnā anō tātou! Ki whea ahau tīmata ake ai?  He tino hiahia nōku te whakamahi i te wāhanga Rūmā Ako nā te mea, e kitea ana i ngā rangi kua hori atu te ngāwari me te māmā o te whakahaere ākonga i roto i tēnei āhuatanga.  Inanahi rā ka hui te katoa o te kura, he tuatahitanga hoki mā te kura.  Ka mutu ngā mahi ōkawa, ka wehe atu mātou ko te hunga kaiako i a rātou te hunga tamariki, me te mōhio tonu kīhai e roa ka tutakitaki anō ētehi o mātou ki rātou ki roto i ngā hui topea kua whakaritea mō taua rangi.   Heoi anō, ehara i te mea i hangaia a Roma i te rangi kotahi, ā tōna wā pea, mātou whakamahia ai tērā āhuatanga mō ngā rūma. Ko te papaoho tētehi ao e rata ana te ākonga, nā reira, he tino āwhina i te kaiako ēnei momo rauemi. E ngana tonu ana mātou te hunga kaiako o tō mātou nei kura ki te kimi i te huarahi māmā hei āwhina i ngā whānau kāore anō kia whai ipurangi, kāore anō rānei kia tūhono ki te pae tukutuku o te ao whānui. He nui rawa ngā akoranga hei whakawhana...

Digital Fluency Intensive Rangi Tuatahi Wiki Tua1:  Ko te Rāmere te 15 o Whiringaanuku 2021 Tēnā anō tātou, Inā te nui o ngā āhuatanga hou, o ngā mahi hou i kitea nei e ahau i te rangi nei.  Kāore i kō atu, kāore i kō mai te mīharo o ngā akoako matihiko.  Mai i ngā kōrero i takina e Dorothy, i ngā whakahaeretanga a Vicky, i ngā ringa hāpai o Makaore tae noa ki te kaupapa nāna nei tātou i whakakao i tēnei rā, ki a Manaiakalani, e mihi ana.  Nōku te whiwhi, nōku hoki te maringanui, ā, ahakoa te nui o ngā pōhēhētanga ōku, hē mai, mikirapu ai, e hīkaka tonu ana ahau ki te ako i te ao o te tamariki, i te ao o te āpōpō, e eke ai ahau i ēnei akoranga. "Korekau he pātai rūwai."    Heoi anō, tāku i ako ai i te rangi nei, ko te kīanga nei nā Makaore, "Korekau he 'pātai rūwai'."  Atu i te mātakitaki i ngā kaikauhau me te whakatutuki ngohe me ngā hei mahi, ko te tuku pātai tonu tētehi āhuatanga nui o te kaiako hei whakaako.  Ki te kore koe e tuku pātai, ko te...