CF DFI Wiki 2 20.10.21 Workflow

(remove background exerrcise) 

Tēnā anō tātou,

E mihi atu ana anō ki a tātou i whakakanohi i ō tātou nei kura ki tēnei wānanga.  "He nui te mahi, he poto te wā," te kīrehu e rere rongonui ana i tēnei wāhanga o te tau, e kīia nei, ko te wāhanga whakamutunga o tēnei tau.  He wāhanga hei whakanui i ā tātou tauira, he wāhanga hei whakamana i ō rātou whānau, otiia i a tātou te hunga kaiako, te hunga pouako e tautīnei tonu ana i ngā whare ako o tēnā, o tēnā o ngā kura, ā-hiko mai, ā-kanohi mai o Aotearoa.  Ka mutu, me mihi anō, ka tika ki te kaupapa, nāna anō tātou i karanga, ki a Manaiakalani.

AKO        HANGA        TOHATOHA

Ko te pātai nui i taka ki a mātou i tēnei rā ko tēnei, "He aha tēnei mea te AKO hei tā Manaiakalani?"    "Ā, he aha hoki tōna āhua ki tōku ake kura, ki Te Kura Ākonga o Manurewa?".  Me pēnei pēa taku tīmata, taku whakautu i tēnei urupounamu; 

E whā ō mātou uara; ko te Manaaki, ko te Whakamana, ko te Tiaki me te Aroha.  He kura Positive Behaviour For Learning (PB4L) hoki mātou.  Tāpirihia ēnei āhuatanga ako ki tā mātou marau ā-kura, tōna tikanga ka kitea tōna rerekētanga i ērā atu o ngā momo kura pēnei i te kura kaupapa me te kura ā-iwi.  Ko tā mātou he tuitui i ngā āhuatanga me ngā hiahia o te whānau ki roto i te marau ā-kura kia puta ake ai tētehi mahere akoranga mō ā tātou tamariki, mō ā tātou ākonga.

Heoi anō, ko ngā akoako i tēnei wānanga, he akoako hōu te katoa.  Ka ngana ahau ki te whakaako i ngā tuākana ētehi o ēnei akoranga hōu. E hīkaka tonu ana a ngākau ki te ako i ēnei akoranga matihiko.  Hoe, hoe, hoea rā!

He akoranga papai rawa atu tēnei, te unu papamuri, hei whakahihiko i a hriikapo!