CF DFI Wiki 5 Google Sites 10.11.2021
Ko te Hanga Pae Tukutuku
Ka hāngai tēnei wānanga ki te hanga pae tukutuku. Inā hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi. ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā i te mahi a te kaiako.
Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei. Ko tāku, he whakaae ki tēnā, engari, arā atu anō ōna painga. Ko tā tēnei pae tukutuku, he wāhi kua whakakao i ētehi kōrero mō Māui. Kua tāpiripiri mai ētahi āhuatanga e kīia nei, ko "Multimodal". He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui.
Ēnei kapo mata katoa kei runga, nō te paetukutuku, Māui Nukurau. Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui. Ia te wā, ka mate ahau ki te kimi noa i te hononga o ngā kiriata me ngā kōrero mō Māui. Nā, nāianei, kua whakaemihia ki te wāhi kotahi. Hūrō!
Nā tēnei, ka hangaia tētehi pae tukutuku atu anō. He pae tukutuku hei āwhina i te kaiako (me pono, i ahau) ki te tiki atu i ētehi rauemi mō Te Reo Matatini me te Pāngarau, anō nei he kōpaki e kī ana i ngā rauemi e hāngai ana ki tāku e hiahiatia ana.
Nā reira, he tino taonga ēnei akoranga, mōku ake, me horapa ēnei akoranga ki te motu whānui, kaiako mai, whānau mai, ākonga mai e hua ai tātou katoa. He tino oranga kei roto. Mokori ano kia rere tonu a mihi manahau ki a Manaiakalani mō ēnei painga.
Kia ora Connie,
ReplyDeleteI'm so glad that you enjoyed the kaupapa of the day. Your site looks amazing! I'd love the link to be able to check it out.
Ngā mihi nui
Vicki
Tēnā anō e te tuahine,
ReplyDeleteE mihi ana ahau ki a koe me ngā mahi kua tutuki i a koe. Te āhua nei kua mau i a koe ngā tino pūkenga o ngā paetukutuku o Kūkara. Koia koe a koe!
Ngā mihi
Makaore