CF DFI Wiki 4 Dealing With Data!

By Anonymous -

                                                                                            (He pai tonu ki ahau te unu papamuri!)
Tēnā anō tātou e hoa mā

I tēnei wiki, i tirohia, i rawekehia, hoki e mātou te taupānga e kīia nei ko Google Sheets.  


Kāore pea ahau e kaha whakamahi i tēnei taupānga ki rō akomanga, nā te mea ka kore pea ngā ākonga e kite i te māramatanga o ngā kauwhata.  He tikanga anō tā ngā pou nei, ā, he tikanga hoki tā ia wāhanga o te kauwhata, nā kāore te tukanga o te huri i te raraunga hei kauwhata i whai māramatanga.  Ahakoa tēnēi, kua whakamahia te Excel i ngā rangi o mua ki te taha o te rangatahi, ā, he nui kē atu ngā momo horopaki ki tērā reanga o te rangatahi hei whakaako atu.   Āe kua kitea tētehi horopaki e taea ana te whakamahi ki rō akomanga - ko te arohaehae i te rangitaki.  Mena ko te arohaehae te pukenga e akohia ana, ko te painga tēnā.  Ka mutu, mena ko te arohaehae i te nui, i te iti rānei o ngā 'likes' ā ngā kaipānui i tāu rangitaki, he take tēnā ki ahau.  Nā reira, me tūpato tātou ki te whakatakoto i te horopaki e hāngai ana ki te ākonga

Heoi anō, ko tāku he whakamahi i ēnei hīti mō ngā rehitatanga ā ngā ākonga.  Ka tūhono mai ki taku karaehe, ka whakakīngia e rātou tētehi puka google kātahi ka aro mātou ki te karakia.  He tukanga kua akohia i te DFI, he tikanga papai rawa atu.  Ā, e taea ana hoki te kite ko wai e hīkaka ana, e aha atu ana rānei.  He akoranga hōu, he tukanga hōu mā ngā tamariki i tēnei wiki.

Ngā mātua



Comments

Post a Comment

Popular posts from this blog

CF DFI Wiki 5 Google Sites 10.11.2021

By Anonymous -
Image
Ko te Hanga Pae Tukutuku   Ka hāngai tēnei wānanga ki te hanga pae tukutuku.  Inā  hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi.  ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā  i te mahi a te kaiako. Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei.  Ko tāku, he whakaae ki tēnā, engari, arā atu anō ōna painga.  Ko tā tēnei pae tukutuku, he wāhi kua whakakao i ētehi kōrero mō Māui.  Kua tāpiripiri mai ētahi āhuatanga e kīia nei, ko "Multimodal".  He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui. Ēnei kapo mata katoa kei runga, nō te paetukutuku, Māui Nukurau.  Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui.  Ia te wā, ka mate ...
https://consuelaforsman.blogspot.com/

CF DFI Wiki 6 Leading Learning with Class Sites

By Anonymous -
Image
Te whakawhānui, te whakawhāiti rānei i tā tō kura paetuku ki ngā kaupapa matua kia rapu pai ai te tangata i tāna e hiahiatia ana. Ubiquitous - Koia te kupu hōu i akohia i tēnei o ngā wānanga.  Kei te horopaki hoki tōna whakamahi, tōna tikanga me kī, engari, he kupu kāore anō kia taka ki ōku taringa. Kua whakahāngaihia tēnei kupu, tēnei āhuatanga ki te āhua o tā mātou paetukutuku.  Nā, i taku kitenga atu i te paetukutuku o Caleb Murray, ka taka te kapa, ka mārama pai ahau he aha tēnei mea te 'ubiquitous'.  Nā ēnei kupu akiaki, ka tīmata ahau ki te whakamahere i tētehi atu whārangi akomanga hei tāpiri atu ki te pae tukutuku o te kura.  Taihoa ake e kitea ai tōna rerekētanga. He nui tonu ngā āhuatanga hei whakatika i mua tonu i te tūwheratanga o tēnei pae tukutuku ki te whānau.  Ko te whakapoapoa i ngā kaimahi ki te whāngai i te pae tētehi āhuatanga atu anō, heoi anō, ko te mea pai, he oranga kei roto!  He oranga mō te tamaiti, mō te whānau me te iwi. Nā, he...
https://consuelaforsman.blogspot.com/