CF DFI wiki 8 Te Wiki Whakamutunga

By Anonymous -

 


Ahakoa kua pau te wā ki ahau ki tēnei wānanga me ōna tini āhuatanga papai rawa atu,  ehara i te mea kua mutu ngā mahi akoako ki konei.  Arā noa atu he mahi hei ako.  Heoi anō, ko tāku i ako ai i te rangi nei, ko te whakamahi i te taupānga Tinkerkad.  Kei te kitea ka rata pai ētehi o aku tama ki tēnei momo mahi.  Kāore e kore ka tere ake rātou i ahau ki te whakamahi i tēnei taupānga i ahau.

Kia hoki atu ahau ki ngā kōrero a Dorothy mō te tamaiti ka tīmata i te kura kei te taumata 1 me kī, me ngā tamariki e tīmata i ngā kura kei taumata kē, i kōrero ia mō te nui o ngā kupu me te iti o ngā kupu kua akohia imua tonu i te timatatanga i te kura.
Neke atu i te 30 miriona kupu te rerekētanga o ērā rōpū e rua.  Reo Māori mai, reo Pākehā  mai, reo atu mai, koinā tētehi rerekētanga nui i rangona ā-wairua nei e ahau.

Nā reira, kia eke ai, kia tīmata tika ai ā tātou tamariki i te kura, he mea nui te whāngai atu i te kupu ki a rātou ahakoa tōna pakeke.  Ki reira anō pea, ā tātou tamariki e tīmata pai ai i te kura.  Heoi anō, kei te horopaki, kei te taiao, kēi te hapori, kēi te noho anō hoki o te whānau te whakautu me kī.  Aroha nui ana ahau ki ngā whānau e noho toimaha ana, e noho rawa kore ana ki te kāinga, nā te mea ehara anō nō rātou te hē.  Mā ēnei momo wānanga, mā te kuhu anō a te tamaiti ki te ao matihiko e āwhina atu, e tautoko atu i a rātou.


Comments

Post a Comment

Popular posts from this blog

CF DFI Wiki 5 Google Sites 10.11.2021

By Anonymous -
Image
Ko te Hanga Pae Tukutuku   Ka hāngai tēnei wānanga ki te hanga pae tukutuku.  Inā  hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi.  ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā  i te mahi a te kaiako. Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei.  Ko tāku, he whakaae ki tēnā, engari, arā atu anō ōna painga.  Ko tā tēnei pae tukutuku, he wāhi kua whakakao i ētehi kōrero mō Māui.  Kua tāpiripiri mai ētahi āhuatanga e kīia nei, ko "Multimodal".  He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui. Ēnei kapo mata katoa kei runga, nō te paetukutuku, Māui Nukurau.  Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui.  Ia te wā, ka mate ...
https://consuelaforsman.blogspot.com/

CF DFI Wiki 6 Leading Learning with Class Sites

By Anonymous -
Image
Te whakawhānui, te whakawhāiti rānei i tā tō kura paetuku ki ngā kaupapa matua kia rapu pai ai te tangata i tāna e hiahiatia ana. Ubiquitous - Koia te kupu hōu i akohia i tēnei o ngā wānanga.  Kei te horopaki hoki tōna whakamahi, tōna tikanga me kī, engari, he kupu kāore anō kia taka ki ōku taringa. Kua whakahāngaihia tēnei kupu, tēnei āhuatanga ki te āhua o tā mātou paetukutuku.  Nā, i taku kitenga atu i te paetukutuku o Caleb Murray, ka taka te kapa, ka mārama pai ahau he aha tēnei mea te 'ubiquitous'.  Nā ēnei kupu akiaki, ka tīmata ahau ki te whakamahere i tētehi atu whārangi akomanga hei tāpiri atu ki te pae tukutuku o te kura.  Taihoa ake e kitea ai tōna rerekētanga. He nui tonu ngā āhuatanga hei whakatika i mua tonu i te tūwheratanga o tēnei pae tukutuku ki te whānau.  Ko te whakapoapoa i ngā kaimahi ki te whāngai i te pae tētehi āhuatanga atu anō, heoi anō, ko te mea pai, he oranga kei roto!  He oranga mō te tamaiti, mō te whānau me te iwi. Nā, he...
https://consuelaforsman.blogspot.com/