CF DFI Wiki 3 27.10.21 Media

By Anonymous -

Tēnā anō tātou!

Ki whea ahau tīmata ake ai?  He tino hiahia nōku te whakamahi i te wāhanga Rūmā Ako nā te mea, e kitea ana i ngā rangi kua hori atu te ngāwari me te māmā o te whakahaere ākonga i roto i tēnei āhuatanga.  Inanahi rā ka hui te katoa o te kura, he tuatahitanga hoki mā te kura.  Ka mutu ngā mahi ōkawa, ka wehe atu mātou ko te hunga kaiako i a rātou te hunga tamariki, me te mōhio tonu kīhai e roa ka tutakitaki anō ētehi o mātou ki rātou ki roto i ngā hui topea kua whakaritea mō taua rangi.  
Heoi anō, ehara i te mea i hangaia a Roma i te rangi kotahi, ā tōna wā pea, mātou whakamahia ai tērā āhuatanga mō ngā rūma.




Ko te papaoho tētehi ao e rata ana te ākonga, nā reira, he tino āwhina i te kaiako ēnei momo rauemi. E ngana tonu ana mātou te hunga kaiako o tō mātou nei kura ki te kimi i te huarahi māmā hei āwhina i ngā whānau kāore anō kia whai ipurangi, kāore anō rānei kia tūhono ki te pae tukutuku o te ao whānui.

He nui rawa ngā akoranga hei whakawhanake ki roto ki aku mahi me taku māia. Ko te mate pea ia, kāore ahau e whai wā ki te whakamahi i ngā akoranga hōu, i te māturanga hōu kua akohia. Heoi, tāku noa iho nei he whāngai atu i ngā akoranga ki āku ākonga.

Ka tukuna te katoa o ēnei akoranga hōu ki aku ākonga. Kāore e kore ka huri te tai, ā, ka whakaako rātou i ahau i roto i ēnei momo mahi, nō rātou kē tēnei ao. Ko te painga atu tēnā!


Comments

  1. Makaore WilsonNovember 3, 2021 at 7:57 AM

    Tēnā anō e Connie,

    E rere tonu ana ngā mihi ki a koe me te whanake haere o te māia me ngā pūkenga matihiko. Āe, tika tāu, māu aua pūkenga e tuku atu ki ngā ākonga o te kura.
    Hei ākuanei.
    Nā Makaore

    ReplyDelete

Post a Comment

Popular posts from this blog

CF DFI Wiki 5 Google Sites 10.11.2021

By Anonymous -
Image
Ko te Hanga Pae Tukutuku   Ka hāngai tēnei wānanga ki te hanga pae tukutuku.  Inā  hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi.  ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā  i te mahi a te kaiako. Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei.  Ko tāku, he whakaae ki tēnā, engari, arā atu anō ōna painga.  Ko tā tēnei pae tukutuku, he wāhi kua whakakao i ētehi kōrero mō Māui.  Kua tāpiripiri mai ētahi āhuatanga e kīia nei, ko "Multimodal".  He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui. Ēnei kapo mata katoa kei runga, nō te paetukutuku, Māui Nukurau.  Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui.  Ia te wā, ka mate ...
https://consuelaforsman.blogspot.com/

CF DFI Wiki 6 Leading Learning with Class Sites

By Anonymous -
Image
Te whakawhānui, te whakawhāiti rānei i tā tō kura paetuku ki ngā kaupapa matua kia rapu pai ai te tangata i tāna e hiahiatia ana. Ubiquitous - Koia te kupu hōu i akohia i tēnei o ngā wānanga.  Kei te horopaki hoki tōna whakamahi, tōna tikanga me kī, engari, he kupu kāore anō kia taka ki ōku taringa. Kua whakahāngaihia tēnei kupu, tēnei āhuatanga ki te āhua o tā mātou paetukutuku.  Nā, i taku kitenga atu i te paetukutuku o Caleb Murray, ka taka te kapa, ka mārama pai ahau he aha tēnei mea te 'ubiquitous'.  Nā ēnei kupu akiaki, ka tīmata ahau ki te whakamahere i tētehi atu whārangi akomanga hei tāpiri atu ki te pae tukutuku o te kura.  Taihoa ake e kitea ai tōna rerekētanga. He nui tonu ngā āhuatanga hei whakatika i mua tonu i te tūwheratanga o tēnei pae tukutuku ki te whānau.  Ko te whakapoapoa i ngā kaimahi ki te whāngai i te pae tētehi āhuatanga atu anō, heoi anō, ko te mea pai, he oranga kei roto!  He oranga mō te tamaiti, mō te whānau me te iwi. Nā, he...
https://consuelaforsman.blogspot.com/