CF DFI Wiki 1 15.10.21

By Anonymous -

Digital Fluency Intensive Rangi Tuatahi

Wiki Tua1:  Ko te Rāmere te 15 o Whiringaanuku 2021

Tēnā anō tātou,

Inā te nui o ngā āhuatanga hou, o ngā mahi hou i kitea nei e ahau i te rangi nei.  Kāore i kō atu, kāore i kō mai te mīharo o ngā akoako matihiko.  Mai i ngā kōrero i takina e Dorothy, i ngā whakahaeretanga a Vicky, i ngā ringa hāpai o Makaore tae noa ki te kaupapa nāna nei tātou i whakakao i tēnei rā, ki a Manaiakalani, e mihi ana.  Nōku te whiwhi, nōku hoki te maringanui, ā, ahakoa te nui o ngā pōhēhētanga ōku, hē mai, mikirapu ai, e hīkaka tonu ana ahau ki te ako i te ao o te tamariki, i te ao o te āpōpō, e eke ai ahau i ēnei akoranga.

"Korekau he pātai rūwai."  

Heoi anō, tāku i ako ai i te rangi nei, ko te kīanga nei nā Makaore, "Korekau he 'pātai rūwai'."  Atu i te mātakitaki i ngā kaikauhau me te whakatutuki ngohe me ngā hei mahi, ko te tuku pātai tonu tētehi āhuatanga nui o te kaiako hei whakaako.  Ki te kore koe e tuku pātai, ko te huare, ko te 'aitanau' tonu hei kai māu.  Koia pū tētehi āhuatanga nui e mimiti haere ana ki rō akomanga.  Ko te whakakōrero i ā tātou nei tamariki ki te kōrero, ki te tuku pātai tētehi pūkenga nui me whai.  Ehara ahau i te tangata kaha tuku urupounamu, pātai rānei, ko tāku i te nuinga o te wā, he rangahau, he pānui, he raweke, kei patua au e te whakamā.  Hāunga ēnei āhuahanga, me whai kaha tonu ahau ki te tuku pātai hei tauira mō te hunga whakarongo me te hunga ako anō hoki.

Akoranga

Ko rua tau anahe ahau e whakamahi ana i a Kukara me ētehi o ngā āhuatanga ōna.  He whakarite īmēra  me te tuhi i ngā mēneti mō ngā hui kaiako noa iho te nuinga o tāku whakamahinga.  Nā reira, e whāwhā tonu ana ahau i ōna tini āhua.  I roto i te kotahi rangi, te whitu hāora noa iho, me kī, i tāutuhia, i kitea, ētehi ara poto, ētehi ara atu anō e tere ake ai tāku i hiahiatia nei, e Hika!  He aha kē tāku i ngā tau e rua o mua?





 



Comments

  1. Vicki @ ManaiakalaniOctober 19, 2021 at 4:22 PM

    Kia ora Connie,
    Thank you for sharing your reflection on the day. I think it's so important that we ask kaiako put ourselves in our learners shoes, it's so great to read about you reflecting on that in this post. Ka rawe! It's so great to have you on board with us this term, you've got a fantastic patient coach in your bubble so if you have any questions, please do ask!
    Ngā mihi nui
    Vicki

    ReplyDelete
  2. Makaore WilsonOctober 20, 2021 at 10:22 AM

    Tēnā anō Connie,
    Nei rā ngā mihi ki a koe, nau mai ki tā tātou whakangungu, arā, ko Ngā Wānanga Matatau Matihiko. Te āhua nei i tino whai hua te wiki tuatahi, ko te tūmanako ia ka pēnā tonu te toenga o ngā wiki. Mēnā he pātai āu, he aha atu rānei, whakapā mai, māku koe e āwhina, e tautoko.
    Nā mihi anō
    Nā Makaore

    ReplyDelete
  3. AnonymousNovember 2, 2021 at 10:50 AM

    Aitanau me pehea au e whakairo i nga kupu whakamiha ki a koe mo te rawekeweke i enei paetukutuku matihiko. Koia kei a koe. Kei konei ahau hei hoa wananga mau me te aha, kaore rawa he patai ruwai. E mihi ana ki a koe i to mahi autaia.

    ReplyDelete
    Replies
    1. AnonymousNovember 3, 2021 at 7:25 AM

      AITANAU!!!
      Kei taku parata iti, tēnā koe. Tēnā koe, mōu tātou i whiu ki ngā wai hohonu rawa nei! Kei te pai ahau, e whana tonu ana ahau, ā, kei konei hoki a Makaore rātou ko Vicky mā hei pou āwhina mō mātou.

      Delete
  4. AnonymousNovember 3, 2021 at 2:20 PM

    Kia ora Consuela -your blog is set up really well -It is pleasing to look at.

    ReplyDelete

Post a Comment

Popular posts from this blog

CF DFI Wiki 5 Google Sites 10.11.2021

By Anonymous -
Image
Ko te Hanga Pae Tukutuku   Ka hāngai tēnei wānanga ki te hanga pae tukutuku.  Inā  hoki te nui o ngā whakamahi i tēnei āhuatanga e āwhina marika ai te kaiako ki roto i tana mahi.  ahakoa, e ako tonu ana ahau i ngā whakamahi o tēnā taupānga, o tēnā taupānga, he huarahi anō tō te hanga pae tukutuku hei whakamāmā  i te mahi a te kaiako. Ko te mate pea tōna, ka pōhēhē ētehi he uaua te ako i ngā āhuatanga o te ao matihiko nei.  Ko tāku, he whakaae ki tēnā, engari, arā atu anō ōna painga.  Ko tā tēnei pae tukutuku, he wāhi kua whakakao i ētehi kōrero mō Māui.  Kua tāpiripiri mai ētahi āhuatanga e kīia nei, ko "Multimodal".  He whakamahi i ētehi taupānga e reka ai, e whakapoapoa ai i te hunga mātakitaki, i hunga e rangahau ana i ngā korero mō Māui. Ēnei kapo mata katoa kei runga, nō te paetukutuku, Māui Nukurau.  Na, ka hoki aku mahara ki te we wā i rangahaua e mātou ko aku tamariki tēnei nanakia, tēnei nukurau, a Māui.  Ia te wā, ka mate ...
https://consuelaforsman.blogspot.com/

CF DFI Wiki 6 Leading Learning with Class Sites

By Anonymous -
Image
Te whakawhānui, te whakawhāiti rānei i tā tō kura paetuku ki ngā kaupapa matua kia rapu pai ai te tangata i tāna e hiahiatia ana. Ubiquitous - Koia te kupu hōu i akohia i tēnei o ngā wānanga.  Kei te horopaki hoki tōna whakamahi, tōna tikanga me kī, engari, he kupu kāore anō kia taka ki ōku taringa. Kua whakahāngaihia tēnei kupu, tēnei āhuatanga ki te āhua o tā mātou paetukutuku.  Nā, i taku kitenga atu i te paetukutuku o Caleb Murray, ka taka te kapa, ka mārama pai ahau he aha tēnei mea te 'ubiquitous'.  Nā ēnei kupu akiaki, ka tīmata ahau ki te whakamahere i tētehi atu whārangi akomanga hei tāpiri atu ki te pae tukutuku o te kura.  Taihoa ake e kitea ai tōna rerekētanga. He nui tonu ngā āhuatanga hei whakatika i mua tonu i te tūwheratanga o tēnei pae tukutuku ki te whānau.  Ko te whakapoapoa i ngā kaimahi ki te whāngai i te pae tētehi āhuatanga atu anō, heoi anō, ko te mea pai, he oranga kei roto!  He oranga mō te tamaiti, mō te whānau me te iwi. Nā, he...
https://consuelaforsman.blogspot.com/